Sean Kauhini

Text:

​

E hauʻoli i loko o ka Haku, e nā ʻāina a pau;

e hoʻokauwā aku na ka Haku me ka ʻoliʻoli,

a e hele mai imua o kona alo me ke oli ʻana.

​

E hōʻoiaʻiʻo iho ʻoukou ʻo ka Haku ʻoia ke Akua,

ʻoia ka i hana iā kākou, ʻaʻole na kākou iho;

ʻo kākou kona lāhuikanaka a me nā hipa hoʻi o kona kula.

​

E hele ʻoukou ma kō ʻoukou ala,

i loko o kona mau ʻīpuka me ka hoʻomana aloha ʻana,

a i loko o kona mau anaina me ka hoʻomaikaʻi;

e hoʻoalohaloha aku iāia, a e ʻōlelo maikaʻi hoʻi i kona inoa.

​

No ka mea, he lokomaikaʻi ka Haku, he mau loa kona aloha;

ʻo kona ʻoiaʻiʻo,

e mau loa ana nō ia iā hanauna aku iā hanauna aku.

​

E hoʻonani ʻia aku ka Makua,

a me ke Keiki, a me ka ʻUhane Hemolele.

E like me ia i kinohi, a i kēia wā,

a mau loa aku, i ke ao pau ʻole. ʻĀmene.​